星期六約朋友去有40年歷史的牛頭角下邨，這裡將會在2009年清拆，此類型的徙置區會完全成為歷史了！

我既童年，都係在同類型的徙置區度過，但那裡都早已清拆了，現在都人面全非。其實好喜歡這類屋邨，好像人情味也較現在的新型屋邨濃；記得以前可以去對面鄰居處「痴餐」，搬走之後就沒這支曲唱啦！

最記得夏天時，家家戶戶打開大門就坐在門口乘涼，從來都沒擔心過有賊入屋，因為大家鄰舍都會幫忙看緊門戶，有事都會成條巷的街坊走出來幫手！哈！另外最好玩係在樓梯口玩跳繩呀、呼拉圈呀，又係走廊踩三輪車來來回回又一日！因為以前阿媽都不准我獨自落樓下公園玩嘛，唯有係門口玩囉！

最最最開心係，每日下午就會有人挑著砵仔糕、白糖糕之類係走廊叫賣，我就會即刻問媽媽拿錢之後跑出去買！有時又會有人推魚蛋車，我又會跑跑跑咁追著！到現在都非常回味呀！

今次影的全部相片在這裡，慢慢回味慢慢欣賞啦！

牛頭角下邨